siva.sh

siva.sh/rig-veda/mandal-8/73/11

किमि॒दं वां॑ पुराण॒वज्जर॑तोरिव शस्यते । अन्ति॒ षद्भू॑तु वा॒मव॑: ॥ किमिदं वां पुराणवज्जरतोरिव शस्यते । अन्ति षद्भूतु वामवः ॥

Why is this (repeated invocation) addressed to you as if you were decrepit like old men? Let your protection abide near me.

english translation

kimi॒daM vAM॑ purANa॒vajjara॑toriva zasyate | anti॒ SadbhU॑tu vA॒mava॑: || kimidaM vAM purANavajjaratoriva zasyate | anti SadbhUtu vAmavaH ||

siva.sh/rig-veda/mandal-8/73/12

स॒मा॒नं वां॑ सजा॒त्यं॑ समा॒नो बन्धु॑रश्विना । अन्ति॒ षद्भू॑तु वा॒मव॑: ॥ समानं वां सजात्यं समानो बन्धुरश्विना । अन्ति षद्भूतु वामवः ॥

Aśvins, your relationship is common and you have a common kinsman; let your protection abide near me.

english translation

sa॒mA॒naM vAM॑ sajA॒tyaM॑ samA॒no bandhu॑razvinA | anti॒ SadbhU॑tu vA॒mava॑: || samAnaM vAM sajAtyaM samAno bandhurazvinA | anti SadbhUtu vAmavaH ||

siva.sh/rig-veda/mandal-8/73/13

यो वां॒ रजां॑स्यश्विना॒ रथो॑ वि॒याति॒ रोद॑सी । अन्ति॒ षद्भू॑तु वा॒मव॑: ॥ यो वां रजांस्यश्विना रथो वियाति रोदसी । अन्ति षद्भूतु वामवः ॥

Your chariot, Aśvins, moves swifty through the worlds, through heaven and earth; let your protection abide near me.

english translation

yo vAM॒ rajAM॑syazvinA॒ ratho॑ vi॒yAti॒ roda॑sI | anti॒ SadbhU॑tu vA॒mava॑: || yo vAM rajAMsyazvinA ratho viyAti rodasI | anti SadbhUtu vAmavaH ||

siva.sh/rig-veda/mandal-8/73/14

आ नो॒ गव्ये॑भि॒रश्व्यै॑: स॒हस्रै॒रुप॑ गच्छतम् । अन्ति॒ षद्भू॑तु वा॒मव॑: ॥ आ नो गव्येभिरश्व्यैः सहस्रैरुप गच्छतम् । अन्ति षद्भूतु वामवः ॥

Come to us with thousands of herds of cattle and horses; let your protection abide near me.

english translation

A no॒ gavye॑bhi॒razvyai॑: sa॒hasrai॒rupa॑ gacchatam | anti॒ SadbhU॑tu vA॒mava॑: || A no gavyebhirazvyaiH sahasrairupa gacchatam | anti SadbhUtu vAmavaH ||

siva.sh/rig-veda/mandal-8/73/15

मा नो॒ गव्ये॑भि॒रश्व्यै॑: स॒हस्रे॑भि॒रति॑ ख्यतम् । अन्ति॒ षद्भू॑तु वा॒मव॑: ॥ मा नो गव्येभिरश्व्यैः सहस्रेभिरति ख्यतम् । अन्ति षद्भूतु वामवः ॥

Pass us not by with your thousands of herds of cattle and horses; let your protection abide near us.

english translation

mA no॒ gavye॑bhi॒razvyai॑: sa॒hasre॑bhi॒rati॑ khyatam | anti॒ SadbhU॑tu vA॒mava॑: || mA no gavyebhirazvyaiH sahasrebhirati khyatam | anti SadbhUtu vAmavaH ||